سياسة الخصوصية

هذي السياسة توضح وش البيانات اللي تجمعها لعبة هجوله اون لاين (Mx Games) وموقعها e3wg.uk، وليش نستخدمها، وكيف تقدر تحذفها.

البيانات اللي نجمعها

• بيانات الحساب: اسم المستخدم، والإيميل وكلمة المرور (مشفرة) إذا سجلت بالإيميل.
• الدخول بقوقل أو أبل: رقم الحساب الثابت اللي يعطينا قوقل أو أبل، والإيميل إذا شاركته. ما نستلم كلمة مرور حسابك عندهم.
• بيانات اللعب: الرصيد والمشتريات داخل اللعبة والسيارات والإنجازات والمهام والترتيب.
• بيانات الجهاز: معرف للجهاز ونوعه ونظام التشغيل وعنوان IP، لحماية الحسابات ومنع الغش.
• المحادثات والصور: رسائل الشات داخل الرومات، والصور اللي ترسلها من وضع التصوير (الدرون) وتظهر في معرض اللقطات وسيرفر الديسكورد مع اسم المستخدم.

ليش نستخدمها

• تشغيل اللعبة وحفظ حسابك وتقدمك واسترجاعه.
• حماية اللاعبين: منع الغش، ومراقبة الشات من الكلام المسيء، وتطبيق قوانين اللعبة.
• إرسال رموز التحقق واسترجاع كلمة المرور على إيميلك.
• إحصائيات عامة لتحسين اللعبة.

ما نبيع بياناتك، وما نستخدمها للإعلانات أو التتبع.

مشاركة البيانات

اسم المستخدم والترتيب والصور المرسلة تظهر للاعبين الثانيين. نستخدم خدمات تشغيل موثوقة لاستضافة السيرفرات وحفظ البيانات واللعب الجماعي، وما نشارك بياناتك مع أي جهة ثانية إلا إذا طلبها القانون.

حذف حسابك

تقدر تحذف حسابك نهائياً من داخل اللعبة: حسابي ← حذف حسابي نهائيا. الحذف يمسح فلوسك وسياراتك وأصدقاءك ولا يمكن استرجاعه. وتقدر تفصل ربط حساب قوقل أو أبل من نفس الصفحة.

الأطفال

اللعبة موجهة لعامة اللاعبين، وما نجمع بيانات أكثر من اللازم لتشغيل اللعبة.

التواصل

لأي سؤال عن خصوصيتك تواصل معنا على teammx.support@gmail.com أو عبر سيرفر الديسكورد.